日夜服侍主子無非都係想討佢歡心姐,點知主子仲係叫極都唔應,食完飯就即閃走人!嗚呀......到底幾時先可以備受寵幸?原因可能同主子覺得大宅未夠舒適稱心有關!

1. 為主子製造攀爬及匿藏空間,同時為屋企慳電

貓貓鍾意擒高擒低同匿埋,細心揀掛牆嘅傢俬,騰空底部空間做佢哋嘅祕密基地。簡單喺單面牆安裝幾塊木板做貓爬,再鋪上降溫墊等物料,成為貓貓抖涼嘅好地方!咁樣就唔洗怕主子熱親而24小時開冷氣,同時亦為家居節能!

2.揀選防刮花物料傢具,易保養又環保

貓貓天性需要抓東西磨爪,想主子抓得開心又唔破壞傢俬,可以喺經常被抓嘅傢俬旁設置貓抓板,或者揀選防刮花膠板等物料嘅傢俱,唔洗怕成日要換傢俬唔環保啦。

3.讓主子與電線和平相處

貓係捕獵嘅動物,電線呢啲咁吸引又易咬嘅嘢,當然唔會放過。各位貓奴應該好好收納電線,為電線加上保護外套以減輕貓貓嘅興趣同時避免出現漏電風險,保障主子安全!

4.活用智能電子產品同主子解解悶又節能!

成日出街冇時間同主子互動?利用智能家居產品,如室內攝像機、智能插頭等,遙距控制原本要長開嘅貓貓飲水機、餵食器,咁貓奴就可以用手機隨時隨地喺街外或者辦公室撩主子,仲可以隨時開關,方便又節能!

溫馨提示

智能家電除咗可以同貓主子增進感情外,仲可以令生活更舒適方便!全新裝修中電客戶服務中心「智能生活@旺角」帶來全新智能生活體驗, 特別推出智能家居示範單位,集多款至潮名廠智能家品畀你試玩, 仲有專人講解智能家居操作,好值得前去參觀!

「智能生活@旺角」

地址︰ 九龍旺角西洋菜南街188號(旺角綠適天地原址)

營業時間: 星期一至日: 上午11:00 -下午7:00 (公眾假期除外)

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首