是咁的,小編最近新婚搬屋,為了買樓上車,唯有租個小單位邊住邊儲錢。雖然唔係早排新聞講大過標準私家車位少少、得140呎的「納米單位」,但實情都只得1房1廳,個廳放完基本傢俬勉強仲放得落1張麻雀枱同4張凳。

慳錢第一大法:自己煮!但問題是,屋企咁細,點煮飯?有超過40年入廚經驗,有美女廚神之稱的小編媽媽就醒咗小編兩條蹺:

好蹺一:自製雙頭電磁爐

數學題,一個雙頭電磁爐平,抑或兩個單頭電磁爐平?答案係後者,單頭每個最平$1000有找,但雙頭就要近$3000。買兩個單頭電磁爐,一個炒餸、一個滾湯,慳時間30分鐘就開飯,冬天仲用來打邊爐!而且電磁爐熱力可直接滲透鍋底,足足慳5成能源,熱力又唔會四散搞到個廳好熱,慳返唔少冷氣費!

好蹺二:蒸焗爐

即使有電磁爐,要做3餸1湯白飯任裝、仲要熱辣辣上碟,就有難度。小編本來想買焗爐,但美女廚神推薦我揀蒸焗爐!一個爐有齊蒸煮、烤焗、保溫功能,慳位之餘,蒸餸仲可以保持食材水份,夠晒健康!最重要係,用蒸焗爐比傳統隔水蒸更慳能源,環保又慳錢!

邊個話蝸居唔可以煮飯?揀啱煮食用具都可以煮飯慳錢!

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首