作為潮人,想請朋友到家中飲酒食飯chill out,一個又靚又煮得開放式廚房絕對少不了。要改裝廚房,當中有咩要考慮?

第一步:拆牆起櫃點做好?

重中之重:先要改動嘅牆身並非主力牆,再請師傅處理工程手續及拆牆。拆牆後成個廚房睇通睇透,揀返個靚廚櫃唔少得,座地廚櫃有助收納,枱面更可作high table,實行一路煮、一路傾偈!

第二步:IC電磁爐 VS 傳統煮食爐

煮飯煮到身水身汗、成頭油煙,廚房又黐笠笠,點招呼朋友?要keep住自己同開放式廚房乾淨look,揀IC電磁爐無得輸!皆因熱力直接滲透整個鍋底,廚房溫度相比傳統爐低5-6度。此外,IC電磁爐毋須燃燒空氣,減低油煙、焦油及有害氣體的產生,煮得健康啲。

第三步:裝「嵌入式」電磁爐前找人睇位

火數低於2,800W的電磁爐,只要插一個獨立13A插頭即煮得。不過做得裝修,建議大家選擇「嵌入式」電磁爐,清潔容易,仲可以當枱面用!唔少供應商如中電提供一站式睇位、安裝服務,簡單又快捷!

安裝貼士1:裝修時預留電源位及4英吋以上空間散熱

安裝貼士2:由其他爐頭轉用電磁爐時,如檯面開窿太大,可加多少少錢,找供應商做一塊不銹鋼或強化玻璃面板,靚仔晒!

第四步:點揀抽油煙機?

開放式廚房必須處理油煙問題,否則傢俬配搭再潮都無用。抽油煙機抽風口最好對準爐頭,並有足夠排風量。一般而言,大約每小時1000立方米以上就可KO油煙,窗口位可加埋抽氣扇就可讓空氣更流通。

實行開放式廚房懶人包

  • 確保改動牆身並非主力牆
  • 進行工程前透過認可人士入則申請改裝
  • 安裝電磁爐時,需預留電源位,並於爐身周邊預留4英吋以上空間散熱,如檯面開窿太大可考慮安裝面板
  • 如選購電源需求達20A或30A(獨立供應線路)電磁爐,提醒裝修師傅預備暗線,明線安裝的話則可尋找可靠專業的供應商如中電代勞
前往中電「智賞買」網購平台

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首