塵埃濕氣引發漏電驚險小故事 5大家居安全用電貼士

是咁的,上星期六小編真係被小編媽媽嚇死,廚房插頭突然冒煙!好在有驚無險大家都安全無事。細看之下原來「元兇」就係積聚好耐無清理的塵埃,加上廚房經常有濕氣引發漏電。事後小編不嫌其煩再同媽媽講,一定要記得以下5大家居安全用電小貼士:

1. 勤清理插頭或電器積塵

好多時靚太打掃都忽略睇唔到的地方,大型電器例如雪櫃、電視機後面的插頭就係其中一個例子,日積月累好易積聚過多塵埃,容易造成電線短路,引發意外。

2 廚房濕氣要小心

當積塵遇上濕氣就更容易漏電!煮食時的熱氣會令廚房充滿水霧,如果無妥善處理可能導致短路。建議可開抽氣扇讓空氣流動。使用電飯煲等電器後,應用布抹乾水氣,減低風險。

3. 預留散熱空間

小編知好多人屋企細,但一定要預留足夠空間予電器散熱,周圍避免擺放雜物!電視雪櫃等則忌貼牆放,避免陽光直接照射。

4. 注意電線損壞

唔好以為電線損壞好小事,其實隨時會漏電!如有損壞要立即更換或以電線膠布包著。如家中有養小動物,亦要留意小動物會否咬電線,以免發生意外!

5. 保暖產品易生意外

雖然電暖爐暖笠笠令人唔想郁,但記得唔可以長期吹著同一地方,以免過熱,使用8-10小時要關掣休息一段時間,以免機件故障。

學識安全用電小知識,參加埋中電「智能積賞」獎賞計劃做慳電達人,慳上加慳!

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首