好多人覺得IC電磁爐只可用來打邊爐,炒小菜一定要明火,否則不夠鑊氣!少年你太年輕了…電磁爐無鑊氣可能是因為你買唔啱!一齊學揀IC電磁爐4式:

1. 買IC電磁爐一定要睇火數!


一般打邊爐用的IC電磁爐只有1800瓦火數,如果用作炒小菜,識得揀一定要揀2000瓦以上的電磁爐,方能達到中式小炒的火喉。

2. 揀幾多個爐頭都有學問


如果是2至4人、每日三餸一湯的小家庭,2000瓦以上的雙爐頭已夠用。如果家中如《溏心風暴》般大家庭,每天都要煮九大簋,同時煲湯、煮餸就要考慮選用3000瓦以上的多爐頭IC電磁爐。蝸居戶追求靈活性,可以考慮買兩個單頭爐,價錢仲平好多!(詳見另文

3. 最佳火喉:爐頭大過鍋底

一般而言,爐頭應比鍋具直徑長,鍋具就可平均受熱,控制火喉更easy。靚太鍾意儲廚具,唔同尺寸形狀鍋具都有齊,就不妨揀free zone IC電磁爐,任何形狀鍋具可自由擺放爐面任何地方都煮得出色,咁就唔使左度右度啦!

4. 適合大頭蝦、小朋友嘅特別功能

大頭蝦的靚太可以揀有自動切斷電源功能的IC電磁爐,爐面過熱或鍋具離開爐頭都會自動斷電,以防煲乾水。有小朋友更加要善用兒童安全鎖功能,部分更設有餘熱警告燈,提醒父母防止意外發生。

選購安裝電磁爐懶人包

  • 留意家中的供電設備是否足夠,電磁爐周圍應有獨立電源插座
  • 普通家庭可用雙爐頭,大家庭可選用多爐頭
  • 2000瓦以上已足夠炒小菜
  • 2800瓦以下電磁爐:配合13A獨立插座(一般家庭插座)直接從廚房取電,一插即煮
  • 2800瓦以上電磁爐:須以較大輸出電流的固定接線裝置電路供電
  • 因應需要選購配備不同功能的IC電磁爐:餘熱顯示燈、安全鎖、多段熱力調校及時間掣等等。

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首