免搭棚!揀窗口式分體機又涼又安靜

夏日熱辣辣,想過透心涼夏天,等小編教你揀一部又涼又慳電的冷氣機啦!

港人最常用窗口式冷氣機,好處係安裝簡單,但窗口式冷氣機連同製冷壓縮器一齊裝喺冷氣機台,所以一定有輕微機械聲。

唔想嘈,可以揀較靜嘅分體式冷氣,冷氣機分為兩部分:室內機負責送風,室外機則處理製冷。由於要安裝室外機,安裝或維修往往需搭棚,成本分分鐘同部冷氣價錢差唔多!為咗滿足香港人需要,有唔少冷氣供應商推出「窗口式分體冷氣機」,室外機體型細小,可直接安裝係放窗口式冷氣嘅冷氣機台上,安裝容易,師傅喺室內就可完成,毋須搭棚!

睇尺數揀匹數

屋企愈大就揀愈大匹數冷氣,不過假如單位西斜,或高層、四周無建築物遮擋,單位可能會較熱,宜揀較高匹數。

安裝安全及慳電小貼士

想開冷氣涼浸浸又慳電,跟消委會學幾招冷氣慳電小貼士:

    1)勿安裝冷氣機喺陽光直接照射地方。

    2)開冷氣時拉埋窗簾降低溫度,關門窗以免走冷氣。

    3)用電風扇吹勻冷氣,節省電力。

    4)預設關機時間,例如睡到半夜時關機。

    5)每兩周清洗隔塵網、進氣口及出風口。

    最後提提你,買冷氣機時記得睇清楚標價包唔包安裝費 ,部分型號可能會額外收安裝費,選購前記得問清楚!想知道其他窗口分體式冷氣機型號,歡迎隨時到中電門市,或到「智賞買」網站睇睇,揀啱心水仲可以預約合資格技師幫你安裝。即刻致電中電節能產品及服務熱線2678 2626 了解更多啦!

載入中

意見反映
Close popup

你的意見

你的寶貴意見,能讓我們做得更好。請按這次客戶體驗評分:

謝謝!

系統出現錯誤。請稍候再試。

回到頁首