【1分鐘檢查】你係咪雪櫃收納達人(上集)

雪櫃幾乎個個屋企都有,但唔係個個都識得用!唔信?一於用一分鐘做檢查,考吓你哋識唔識得收納食物!

1. 大家打開冰格睇下,係放咗好多急凍嘢食,定係空豂豂?

喺唔阻擋風口位嘅情況下,冰格其實放得愈滿愈好!因為冰凍嘅食材好似一舊舊大冰塊,令冰格保持喺超低溫嘅環境,有慳電效果。一般建議冰格喺75-80%滿係最理想。

2. 正常雪櫃下格溫度一般喺0至10度之間,你哋校咗幾多度?

其實取決於個雪櫃放咩嘢食。買咗好多新鮮食物例如牛肉、豬肉、蛋、鮮奶,就要校到4度或以下;如果只係得紙包飲品或樽裝汽水等,校高到4-8度都冇太大問題。

1分鐘檢查仲未完㗎,下期我哋繼續學做雪櫃收納達人啦!

返回頁頂