慳電要夠「膽」 精明買燈膽手冊

好多人買燈膽嗰陣,都會選擇比較慳電嘅款式。但咁多款式,邊一款先啱自己?要搵出最啱心水嘅慳電燈膽,就要認識呢幾組英文字:LM、W、K、hrs。
首先,睇[YS1] LM同W判斷光效:光效係指每度電可以產生多少光,光效愈高,就等於愈慳電。

要知光效有幾高,最緊要係睇佢嘅流明值(LM)同瓦特(W)。流明數值愈高,代表燈膽愈光;瓦特數值愈低,即用嘅電就愈少。當兩款燈膽流明數值一致,瓦特較低嘅一款就係光效高、較慳電嘅一款。

然後睇K判斷色溫:K數值就係燈膽發出嘅顏色,低數值會偏黃,高數值就偏白,揀到啱心水嘅燈膽就唔使成日換嚟換去,減少浪費啦,譬如喺廚房一般比較適合3500K-4000K嘅燈膽,客廳則用2700K-3000K。


最後睇埋hrs判斷壽命:hrs就係燈膽嘅預計壽命,一般燈膽壽命由15,000-25,000小時不等。大家選擇燈膽嗰陣記得比較埋hrs數值,選擇壽命較長嘅款式,減少換燈膽頻率,咁就更加環保啦!    

返回頁頂