設計慳電家居

近年愈來愈多新居選用開放式廚房設計，貪其空間感同視覺效果闊落。今日就教你點樣設計一個充滿時尚感之餘又慳電嘅廚房！其中半開放式廚房揉合咗梗廚同開放式間隔嘅好處，即刻介紹吓！

玻璃設計擋油煙 大增空間感

想要空間感同時又要實用美觀，可以考慮將廚房門改成玻璃趟門，增加採光亦可透過視覺穿透增加空間感。而趟門亦都解決油煙亂飄嘅問題，抽油煙機都唔洗開咁密，通爽又慳電之餘，仲有效劃分客飯廳同廚房間隔。

安裝嵌入式廚電

設計半開放式廚房時可以考慮嵌入式家電，包括電磁爐，抽油煙機。除咗慳位、更易清潔之外，電磁爐嘅煮食能源效益更高達9成，慳電之餘仲有效減少油煙，實用又美觀。

今集講住咁多先， 下期會講插頭安裝同使用拖板，其實都大有學問，  識得點裝電掣插頭，長遠能達致慳錢慳電效果！